زینكردن یاد رووژ پەرچەم کوردستان لە هەریم کوردوستان
![زینكردن یاد رووژ پەرچەم کوردستان لە هەریم کوردوستان](https://media.shafaq.com/media/arcella/1639638789868.jpg)
شەفەق نیوز/ مەکتەویل هەرێم کوردستان، ئمڕوو پەنجشەممە، وەبوونەی یاد پەرچەم کوردستان ک کەفێدە رووژ 17ی کانوون یەکەم گشت ساڵیگ و وەبوونەی پشووی جومعە ئەرا یەک مەراسیمەگە وەرجەوەخت کریا.
مەراسیمەگە وە ئامادەبۊین وەڕێەوەبەر پەروەردە و ستاف هووکارەکردن وەڕێوەچی و خوەنەوارەیل دڵنگ کوردی کردنەوەر.
رووژ 17ی کانوون یەکەم مەردم کوردستان وە بوونەیگی نەتەوەیی وە کۆمەلێگ چالاکی و مەراسیم یاد بەرزەوکردن پەرچەم کەن و لە گشت دامودەزگایل حکومەتی وە ئامادەبۊین وەرپرسەیل و کەسایەتی کۆمەڵایەتی و هونەری و سیاسی.
بەرزکردن پەرچەم وە جۊر فەرمیگ ئەرا یەکەمجار وەرجە 76 ساڵ لەبان بینای شارەوانی مەهاباد لە کوردستان ئیران بۊی.
پەرلەمان کوردستان رووژ 17ی گشت ساڵیگ ئەرا رووژ ئاڵای کوردستان وەگورەی بڕیار (26) ساڵ 1999 دیاریکرد، لەو رووژە لە مەکتەویل هەریم کوردستان چالاکی جیاواز ئەنجام دریەێد ئەرا رێزگردن لە ئاڵا دڵنگ کوردی پووشن لە فەرمانگە و ریکخراویل فەرمی.