نوێنەر پزیشکەیل دکتۆر رابەر حەمید لە کۆنگرەیگ رووژنامەوانی کە ئاژانس شەفەق نیوز ئامادەبوی وت، "54 رووژ رەدبویە لەبان وەرگردن کۆتا مووچەمان تا ئیسە چارەنویس موچەی مانگ شووبات دیار نییە، یەیش هیشتیە ئیمە لە بارودۆخ سەختیگ بویمن".

وتیش: "لە گشت بنکەیل تەندروسی ناو سلێمانی و دەێشت شارەگە بایکۆتە و تەنیا بەشەیل فریاگوزاری و نەشتەرگەری لەناوکاوەیل کارکەن و داوا لە حکومەت کەیمن وە زویترین وەخت مووچەیلە مەرەقەز بکەن".

پزیشکەیل هووشداریدان، کە شمارەیان زیاترە لە 1000 پزیشک، ئەگەر مووچەیلیان مەرەقەزنەکەن، هەڵوێستیگ تونتر گرنەوەر  و پەنابەن ئەرا بەسان گشت بەشەیل فریاگوزاری، و حکومەت هەرێم کوردستان تاوانبارە لەو مەترسیەیلە وەبان ژیان مەردم تێد.