٧ زەخمدار وەیەک رووژ.. سەگ وەرەلا هەڕەشەی خەڵک شنگال دەێد
2023-04-23T11:56:20+00:00
شەفەق نیوز/ وەرپرسیگ تەندروسی لە قەزای شنگال، ئمڕوو یەکشەممە، خەوەردا ک ٧ کەس کەفتنە وەر پەلامار سەگەیل وەرەلا لەناوچەگە، وەماوەی تەنیا رووژیگ.
بڕەیل فرەیگ لە سەگەیل وەرەلا وە شەو و رووژ لەناو ناوچەیل نیشتەجیبوین لە شنگال بڵاو بوینە، و لە شوینە چووڵەیل نزیک خەسەخانەیل، و فرەی ئی سەگەیلە بیماری ئەرا ئایم تیارن، و مەرگبارترینیان دەرد سەگە ک ئەگەر سەگ کەسیگ بگەزێد تویشی تیارێد و بابەتە وەزوی بڕەسێدە خەسەخانە.
بەرەکات حاجو وەرپرس بنکەی تەندروسی شنگال وت: شمارەی سەگەیل وەرەلا وەشیوەی وەرچەویگ زیای بوینە، و رخیگ وەبان بیوەیی خەڵکەگە دیرن، و پەلامار و گەزین سەگ بویە کاریگ رووژانە
حاجو وتیش: لەوەر زیایبوین زەخمدارەیل وە پەلامار و گەزین سەگر بنکەی تەندروسی لە ناحیەی خانسوور تەنیا ئەرا ئی چارەسەکردن ئی زەخمدارەیە تەرخان کریا.
