زەخمداری مەدەنییگ وە پەلاماریگ تورکیا وەبان کۆمەڵیگ نیشتەجیبوین لە دهۆک
2024-04-11T11:56:06+00:00
شەفەق نیوز/ سەرچەوەیگ ئەمنی لە دهۆک، ئمڕوو پەنجشەممە، خەوەردا لە زەخمداری بوین مەدەنیگ وە پەلاماریگ ئاسمانی تورکیا وەبان کۆمەڵیگ نیشتەجیبوین لە باکوور پارێزگاگە.
سەرچەوەگەە ئاژانس شەفەق نیوز وت، "فرۆکەیل جەنگی تورکیا وەبان کۆمەڵەی (هیتیتی) لەبان لویتکەی (لینک) لە زنجیرە کویەیل مەتین لە ناحیەی شیلادزێ لە قەزای ئامێدی لە باکور دهۆک، لە ئەنجام زەخمداریبوین مەدەنیگ".
وتیش "مەدەنی زەخمدارەگە لەری تەلەفۆن خەوەردار کەسوکاری کردیە وە پەلامارەگە، لەناوکاو پەیوەنی بڕیاگە"، دیاریکرد "کەسوکارەگەی ئەرا ئەو شوینە چگنە، تا ئیسە هویچ خەوەریگ لە چارەنویسی نەدریاگە".
