زەخمداری شەش کەس وە رویداویگ هاتوچو لە گەرمیان
2024-05-13T14:58:19+00:00
شەفەق نیوز/ وەڕیەوبەرایەتی هاتوچو ئیدارەی گەرمیان لە هەرێم کوردستان، ئمڕوو دووشەممە، خەوەردا لە زەخمداری شەش کەس لە ئەنجام رویداویگ هاتوچو دڵتەزن لە ناحیەی کۆکس.
هاتوچو لە بەیاننامەیگ رەسیە ئاژانس شەفەق نیوز وت: رویداویگ هاتوچو کەفتە ناوەین ماشینیگ بارهەڵگر پیکاب وەرد ماشینیگ ساڵۆن مارکەی مازدە لە ناحیەی کۆکس سەروە ئیدارەی گەرمیان، و دیاری کرد کە رویداوەگە بویە هوکار زەخمداری شەش کەس.
وتیش؛ گشت زەخمدارەیل ئەرا خەسەخانەی شەهید هەژار بریان لە شار کەلار، و لێکۆڵینەوە ئەرا رەسین وە بندروس رویداوەگە واز کریا.
