زەخمداری سێ کەس وە رویداویگ هاتوچو لە کەرکوک و پلیان ماشینیگ لەبان رییگ دەیشتەکی
شەفەق نیوز/ سەرچەوەیگ لە فەرمانگەی هاتوچو کەرکوک، ئمڕوو شەممە، خەوەردا لە زەخمداری سێ کەس لە ئەنجام رویداویگ هاتوچو ناوەین دوو ماشین لەناوڕاس پارێزگاگە، و ماشینیگ بارهەڵگر پەیین باری بویەر لەبان ری کەرکوک - هەولێر پلیا، کە بویە هوکار زەخمداری رانندەگە.
سەرچەوەگە ئەرا ئاژانس شەفەق نیوز وت: دوو ماشین نوو، شەوەکی ئمڕوو، دان لەیەک لەبان پیەڵ چوارەم ناوڕاس کەرکوک، دیاری کرد کە رویداوەگە بویە هوکار زەخمداری سێ کەس لەناو دوو ماشینەگە.
سەرچەوەگە وتیش: زەخمدارەیل ژنیگ لەناویان بوی کە زەخمەیلی سەختە.
هەرلیوا، سەرچەوەگە وتیش: رویداویگ ترەک لە نزیک ئاوای کلور لەبان ری کەرکوک ئاڵتوون کوپری بویە، کە ماشینیگ پەیین باری بویە لەبان ریەگە پلیاس، و رانندەگەی زەخمدار سەختیگ بویە.
لە خەوەریگ نرەک، سەرچەوەیگ دیاری کرد کە سێ تراکتۆر توو لەناو ماشینیگ بارهەڵگر کەفتنە خوارەو و زەرەد وەپییان رەسیە.
سەرچەوەگە دیاری کرد کە رویداوەگە لە ئەنجام هەڵەی خاوەن کرێن بویە کە هاتیە ئەو تراکتۆرەیلە بارێدە خوار.
