زەخمداری دوو کەس وە مرافەیگ و دەسگیرکردن دوو تاوانبار لە گەرمیان
2021-08-14T14:09:58+00:00
شەفەق نیوز/ وەڕێۆبەرایەتی پۆلیس گەرمیان، ئمڕوو شەممە، راگەیان زەخمداری دوو مەدەنی وە مرافەیگ هووزانە، و هەمیش دوو کەس دەسگیر کریان دزیکردن چەکداریگ لەبان یەکیگ لە گومانیەیلە جیوەجی کردنە.
موقەدەم عەلی جەمال قەدوری وەڕێۆبەر پەیوەندیەیل و راگەیانن پۆلیس گەرمیان ئەرا ئاژانس شەفەق نیوز وت: مرافەیگ هووزانەی وەرینیگ لەناوبەین دوو هاوسا لە ناوچەی گازینۆ لە قەزای کەلار بویە، ئمڕوو دووارەو بوی و بویە هووکار زەخمداری سەخت دوو کەس.
وتیش؛ پۆلیس دەسگیر کەسەیلیگ لە هەردوگ لایەنەگە کرد ک دەسیان لەناو مرافەگە بویە.
لە رووداویگ تر، قەدوری راگەیان دەسگیرکردن دوو کەس دزیکردن چەکدار لەبان یەکیگ لە کۆمپانیایلە جیوەجی کردنە، و بایی ١٣٨ هەزار دۆلار و ٥٠ مەلیۆن دینار عراقی لە ناحیەی رزگاری سەروە قەزای کەلار دزینە.
