زەخمداریبوین 3 کەس وە هیزگردن ئاگر لەناو ئەماریگ نەفت لەنزیک هەولێر تیمەیل کپەوکردن توەنستە کپیەوبکەن
سەرچەوەگە وە ئاژانس شەفەق نیوز وت "ئاگریگ لە پاڵاوگەی نەفتی هیزگردیە لەبان ری گوێر - هەولێر بویەسە مدوو زەخداربوین دوو کراکار و ئەندامیگ وەرگیری شارستانی".
جی باسە دویەشەو ئاگر گەیگ لەناو ئەماریگ پێکهاتە نەفتیەیل هیزگرد کە کەفێدە قەزای مەخموور لەبان ری ناحیەی (گوێر) لە نزیک پارێزگای هەولێر پایتەخت هەرێم کوردستان.
وەڕێوەبەر وەرگیری شارستانی هەولێر کاروان میراودەلی ئمڕوو لە کۆنگرەیگ رووژنامەوانی وت: سێ کەس تویش زەخمداری بوینە وەرد ئەندامیگ تیم وەرگیری شارستانی کە رێژەی سزیانەگەی 40 لەسەدە، ئەرا خەسخانەی فریاگوزاری هەولێر کلکریاس".
وتیش، ئاگرەگە فرە گەپ بویە وە مدوو ئەوەگ سزەمەنی بویە کۆنترۆلکردنی سەخت بویە،تویش گرفت هاتیمنە لەمەوقەی کۆنترۆلکردنی چوینکە وە ئاو سەرد کورەو نیەود داوای مادەی تایوەتیگ کردیمنە ئەرا کپەوکردنی کە ئەرامان دابینکریا.
لەباوەت هووکار ئاگرەگە ئاشکەرایکرد، "چوودەو ئەرا ئاگرگردن شمارەیگ تانکی ناو ئەمارە نەفتیەگە ناو پاڵاوگەگە کە گازکردنە ناو مۆلیدەیگ مەوقەی کارکردن بلویزە لەلی هەڵسانیە و ئاگرگردیە و ئاگرەگە فراوانەو بویە زەرەد مادی رەسانیە.
