زیاتر لە شەش مەلیۆن گەشتیار لە ساڵ ٢٠٢٢ هاتنەسە هەرێم کوردستان
2023-01-09T13:22:05+00:00
شەفەق نیوز/ دەسەی گشتی گەشتوگوزاری لە هەرێم کوردستان، ئمڕوو دووشەممە، شمارەی ئەو گەشتیارەیلە راگەیان کەلە سەر ساڵ هاتنەسە هەرێم کوردستان.
دەسەگە لە بەیاننامەیگ رەسیە ئاژانس شەفەق نیوز وت: لە ئاهەنگەیل سەر ساڵ زایینی، شمارەی گەشتیارەیل ک هاتنەسە هەرێم کوردستان رەسیە ١٨٠ هەزار کەس.
وتیش: ٦١ هەزار گەشتیار سەردان شار هەولێر کردنەر و ٦٤ هەزار سەردان سلێمانی کردنە، و ٥٥ هەزار گەشتیار هاتنەسە دهۆک.
دەسەی گەشتوگوزاری لە بەیاننامەیگتر وت: لە ساڵ گوزەشتە شمارەی گەشتیارەیل ئەرا هەرێم کوردستان رەسیە ٦ مەلیۆن و ١٦٨ هەزار کەس.
دەسەگە دووپات لە ئەوزەڵبوین لە کەرت گەشتوگوزاری لە ساڵ ٢٠٢٢ کرد و وە ریژەی ٣٥ لەسەد وەچەو ٢٠٢١ بەرزەو بویە.
