زیاتر لە ٨٠٠ زەخمدار چەک کیمیایی لە هەرێم کوردستان زیان وەخوەیان دوینن
شەفەق نیوز/ کۆمەڵەی قوربانیەیل پەلامار کیمیایی لە پارێزگای هەڵەبجە، ئمڕوو چوارشەممە، راگەیان زیاتر لە ٨٠٠ زەخمدار وە چەک کیمیایی وەلایەن رژیم وەرن پەبان هەرێم کوردستان چارەسەری خوازن.
لوقمان عەبدولقادر سەرۆک کۆمەڵەگە لە کۆنگرەیگ رووژنامەوانی وەبوونەی رووژ جەهانی قوربانیەیل چەک کیمیایی وت: ٢٥ زەخمدار دیریمن نەشتەرگەری داناین پێڵگ چەو خوازن.
باس ئەو ئامارەیلە کرد لە شمارەی قوربانیەیل چەک کیمیایی باسی کریەێد وت: ئەو شمارە ک باسی کریەێد فرە گەورەس، و دویرە لە راسی، و دیاری کرد ک ریخریاگەیل و ئەو کەسەیلە ک ئیجویر ئامارەیلیگ بڵاو کەن، خوازن سپۆنسەر خەرجکردن پویل ئەرا خوەیان زیای بکەن، و لەبان بەرژەوەنی زەخمدارەیل دەوڵەمەن بوون.
عەبدولقادر وتیش: ئامار قوربانیەیل پەلامارەگە لەناو سنوور پارێزگای هەڵەبجە ٣٢١ کەسە، و لە گشت هەرێم کوردستان ٨٣٥ کەسە، و ئی شمارە گێچەڵیگ ئەرا حکومەت هەرێم کوردستان دروس نیەکەێد، و گشتیان نەشتەرگەری پیەڵگ چەو نیەخوازن.
هەمیش وت: بایەتە لیستیگ وەناو زەخمدارەیل ئامادە بکرێەێد ئەرا پیشکەشکردن دەسمیەتی ئەرایان، و ئەگەر حکومەت خوەی نەکەێدە خاوەن ئۆی باوەتە، خو هەر جویر خوەی مینێد.
