زیاتر لە ٨٠٠ تۊشهاتن وە کۆڕۆنا لە کوردستان وە بەرزەوبوین ژمارەی خاسەوبوینەگان
2020-10-09T11:01:00+00:00
شەفەق نیوز/ وەزارەت تەندروسی لە هەرێم کوردستان، ئمڕوو جمعە، راگەیان تۆمارکردن ٨٣٨ تۊشهاتن نوو وە ڤایڕۆس کۆڕۆنا لە ماوەی ٢٤ ساعەت گوزەیشتە، وهمیش ١٢ مردن و ٤٧٨ خاسەوبوین.
وەزارەتەگە لەبەیانامەیگ وت: ٥٣١٣ تاقیکردنەوە ئانجامدا ، لەناویان تۊشهاتنە نووەگان تۆمارکرد وەیجۊرە بەشەەوبۊن:
٢٠٦ هەولێر، ٢٥٢ سلێمانی، ٢٨ گەرمیان، ٣٣٣ دهۆک، ١٩ هەڵەبجە.
و خاسەوبۊنەگان وەیجۊرە:
١٠٦ هەولێر، ٢٦ سلێمانی، ٢٥ گەرمیان، ٢٩٦ دهۆک، ٢٥ هەڵەبجە.
و مردنەگان ئمڕوو١٢ کەس بوین وەیجۊرە: ١هەولێر، ٣ سلێمانی، ٨ دهۆک.
لە وەخت بڵاوبوین ڤایڕۆس کۆڕۆنا لە هەرێم تا ئیسە ٥٤٣٧٨ تۊشهاتگ تۆمار کریاگە، لەلیان ٣٤١٢٨ بیمار خاسەوبۊنە، و ١٩٤٩ مردنە.
