زیاتر لە 10 هەزار تویشبوی تالاسیمیا لە هەریم کوردوستان هەس
2024-05-08T09:56:47+00:00
شەفەق نیوز/ وەپای ئامارەیل گشتی کە وەزارەت تەندروسی هەرێم کوردستان دەریکردیە، زیاتر لە 10 هەزار تویشبوی وە تالاسیما لە هەرێم هەس.
پەیامنێر ئاژانس شەفەق نیوز وت، ئامارەیلە دیاریکەن، بڕیگ لە تویشبویەسل لە ناوچەیل ترەک عراقن، و لەوڵاتەیل هاوسایش ئەرا هەرێم کوردستان هاتنە.
وەبوونەی رووژ جەهانی تالاسیمیا کە بروارەگەی ئمڕووە، مەراسیمیگ وەی بوونەو ئەنجام دریا و وەبوونەو وەڕێوەبەر گشتی تەندروسی هەولێر دکتۆر دلۆڤان محەمەد دیاریکرد، لە چوارچمگ سنوور پارێزگاگە 3150 تویشبوی وە تالاسیمیا هەس بەشیگیان دانشتگ هەولێرن و بەشیگیانیش پەنابەرەسل ناو کەمپن.
لە کۆنگرە رووژنامەوانیەگە وتیش، مانگانە 1150 بوتڵ خوین کرێدە لەش ئەو کەسەیلە و پێویست وە دابینکردن دەرمان و پێداویستی کەن وەلایەن حکومەت هەرێم کوردستانەو وەگەرد چەودێریکردن خۆڕایی لە سەنتەرەسل تایوەت وە چارەسەرکردن تویشبویل وە بیمارر تالاسیمیا.
