زیایبوین جویلەی بازرگانی لە پەرویزخان

شەفەق نیوز/ سەرچەوەیگ ئاگادار، ئمڕوو شەممە، خەوەردا لە دووپاتی بوین جویلەی بازرگانی لە مەرز پەرویزخان ناوبەین هەرێم کوردستان و ئیران، دویای لاوردن باج لە فرە لە شمەکەیل هاوردە. 

سەرچەوەگە ئەرا ئاژانس شەفەق نیوز وت: ئیرنگە جویلەی بازرگانی لە مەرز پەرویزخان وە ئاست ٥٠% بەرزەو بویە، و هاتێ بڕەسێدە ٨٠% ئەگەر ری وە بارهەڵگرەیل زیاتر بیریەێد بچنە ناو مەرزەگە. 

سەرچەوەگە وتیش: جویلەی بازرگانی لە سنوور پەرویزخان لە ١٥٠ تا ٣٠٠ بار لە رووژیگ زیاترەو بوی، وتیش: بڕیار هەڵگردن باجەیل بڕیار خاسیگە و شمەکەیلیگ هەس باجەیل گومرگی وە رێژەی ٦٠ لەسەد بانیان هەڵگریا، باوجی ئی بڕیارە وەختانەس.    

لە ٢٥ حوزەیران، وەزیر دارایی و ئابووری لە حکومەت هەرێم کوردستان، باج گومرگی لەبان ١٧١ شمەک کەمەو کرد.