یە ١٠ رووژە بیسەروشوینە.. پەیاکردن تەرم گەنجیگ لە هەولێر
شەفەق نیوز/ وەڕێەوبەرایەتی پۆلیس پارێزگای هەولێر پایتەخت هەرێم کوردستان، ئمڕوو پەنجشەممە، پەیاکردن تەرم گەنجیگ تەمەن نۆزدە ساڵان لەناو نیمچە بینایگ لەبان ری هەولێر و کەرکوک راگەیان.
وەڕێەوبەرایەتیەگە لە بەیاننامەیگ رەسیە ئاژانس شەفەق نیوز وت: رووژ پەنجشەممە ئاگاداری لە تەرمیگ لەناو بینایل تەواونەکریاگ لەبان ری ناوبەین هەولێر و کەرکوک رەسیە پییان، و تیمیگ لە بەش پۆلیس نەهیشتن تاوان نویسینگەی نەهیشتن کوشتن وەکوتپڕ روی وەرەو شوین تەرمەگە کرد.
بەیاننامەگە وتیش: تیمەگە لێکۆڵینەوەی سەرەتایی ئەنجام دا، دەرکەفت ک تەرمەگە هن کابرایگە وەناو ئەمین ئومێد عەبدولکەریم لە تەمەن ١٩ ساڵان، لەناو بیناگە گیانی لەدەسدایە.
بەیاننامەگە وتیش: ئەو کابرا یە دە رووژە شوین ونوینی نیێە، وتیش: لەوەر شیوایی روخسار تەرمەگە ئەرا پەیمانگای پزشک دادوەری کلکریا.
بەیاننامەگە وتیش: پۆلیس دەسکردە تەواوکردن لێکۆڵینەوە ئەرا رەسین وە بندروس هووکارەیل مردن ئی گەنجە.
