پەروەردەی کوردستان: مووچە ماف سەرەکی مامووستایلە و بایکۆتکردن تەنیا زەرەد وە خوەنەوارەیل رەسان
وەزارەتەگە لە بەیاننامەیگ رەسیە ئاژانس شەفەق نیوز وت: مووچە مافیگ سەرەکیە ئەرا مامووستا و فەرمانبەرەیل، و وەزارەتەگە سوپاس لەو رۆڵ دڵسووزانە کەێد کە مامووستایل جیوەجیی کەن، و و گشتی رەوش دارایی ئیسە لە کوردستان زانێد، و ئەڕاچە بویە، وتیش: کار پەروەردە یە زیاتر لە دوو هەفتەس دەسوەپی کردیە، باوجی لە بەشیگ ناوچە هیمان دەسوە دەوام نەکردنە.
بەیانامەگە وتیش: حکومەت هەرێم کوردستان وەردەوامە لە تەقەلای وەدەسهاوردن شایستەیل دارایی کوردستان لە حکومەت عراق فیدڕاڵ، و داوا کرد وەزویترین وەخت دەسبکەنە دەوام لەو ناوچەیلە چوینکە ئەنجامەیل بایکۆتکردن لە ساڵەیل گوزەشتە زەرەد وە دەوام رەسان، و هویچ رییگ نییە ئەرا ئاڵشتکردن بەرنامەی ساڵانەی پەروەردە و زانستی.
بەیاننامەگە وتیش؛ گشت وەڕیەوبەرایەتیەیل پەیوەندیدار ئاگادار کریان، وەزویترین وەخت دەسبکەنە دەوام پەروەردە و زانستی.
