پەروەردەی کوردستان پێشنیار هاتنەوەی دەوام مەکتەوەگان لە مانگ شوبات لەجیای ئادار کەێد
شەفەق نیوز/ ئاڵان حەمە سەعید وەزیر پەروەردە لە هەرێم کوردستان، ئمڕوو پەنجشەممە، پێشنیار هاتنەوەی دەوام فەرمی لە مەکتەوەگان لە مانگ شوبات ئایندە کرد لە جیای سەرەتای مانگ ئادار.
وەزیرەگە لە کۆنگرەیگ رۆژنامەوانی لە شار سلێمانی و پەیامنێر ئاژانس شەفەق نیوز ئامادەی بوی وت: وەزارەتەگە کۆبونەوەیگ ئاست باڵا لە رووژ ٢٠٢١/٢/٢ وە ئامانج داناین میکانزمیگ ئەرا هاتنەوەی دەوام دیرێد.
وتیش؛ هەڵوێست پەتاگە لە تووشهاتنەگان کۆڕۆنا فرە خاسە، و فرەی بیمارەگان لە ماموستا و خوەنەوارەگان وەیکجاری خاسەو بوین، وتیش؛ ئەگەر رەوشەگە وەیجوورە وەڕیەو بچوود ئیمە لە وەزارت پەروەردە پێشنیار زویخستن مەوقەی هاتنەوەی دەوام لە مەکتەوەگان ئەرا وەرجە رووژ ٢٠٢١/٣/١ کەیمن.
وەزیرەگە هەمیش وت؛ تەمەی وەزارت تەندروسی ئەرا دەسەی حکومەتی باڵای دژە ڤایرۆس کۆڕۆنا، و ئەو بڕیارە ک دەسەگە دەێدەی، لەبنەمای ئەوە کار کریەێد.
