پەروەردەی کوردستان راگەینێد دابینکردن دەرفەت کار ئەرا ٣٢٩٩ دەرچگ و دەسکردن دەوام ماموستاگان
شەفەق نیوز/ ئاڵان حەمە سەعید وەزیر پەروەردە، ئمڕوو شەممە، راگەیان دەرفەت کارکردن ئەرا ٣٢٩٩ دەرچگ لە خاوەن بڕوانامەیل (دکتۆڕاه، ماجستێر، بەکلۆریۆس، دبلۆم) و ئەو بڕوانامەگان لە کەرت خوەنەواری تایبەت.
حەمە سەعید لە بەیاننامەیگ ئمڕوو وت: وەگورەی رینمای مەسرور بارزانی سەرۆک حکومەت هەرێم کوردستان، ولەچوارچیوەی بەڕنامەی حکومەتی ئەرا نۆوم حکوەمەت هەرێم، و وەزارەت پەروەردە لە ١٨-٨-٢٠١٩ ، وەفەرمان وەزارەتی ژمارە ٣٨٢ بڕیار رێکخستن دەوام ماموستای و فەرمانبەرەیل دریا لە ساوەیل مناڵەگان، و مەکتەب وپەیمانگە تایبتەگان سەروە وەزارەت پەروەردە، وەشیوەیگ چەودیری لە بەرژەوەنی گشتی بکەێد، و هووکاربوود لە زیایکردن دەرفەت کار ئەرا دەرچگەی کۆلێژ و پەیمانگەگان.
وتیش: ئەراوە و بیجگە ئەوە ک دەوام لە چین خوەنەواری وسیاگە، توێنستیمن دەرفەت کار ئەرا ٣٢٩٩ کەس دابین بکەیمن لە خاوەن بڕوانامەیل (دکتۆڕاه، ماجستێر، بەکلۆریۆس، دبلۆم) و ئەو بڕوانامەگان لە کەرت خوەنەواری تایبەت.
لەلای خوەییش، وەڕێوبەرایەتی گشتی ئەرا راسەوکردن لە وەزارەت پەروەردە، وە کتاویگ فەرمی وەژمارە ٣١٩٨ لە ٢٧ ئی مانگە ک ناونشانی ئەرا وەڕێوبەریەتیەگان پەروەردەی گشتی لە پارێزگاگان کریاگە، یەکەم رووژ لە مانگ ئەیلول دیاریکرد ئەرا دەسکردن وەدەوام فەرمی ئەرا ماموستاگان لە مەکتەبەگان ئەرا ساڵ خوەنستن ٢٠٢٠-٢٠٢١ .
و ئەوەسا ماموستاگان لەو رووژ دیاریکریاگە دەسکەنە دەوامیان وە چەودیریکردن تاقیکرندەوگان دەور دوویەم ئەرا پولە کۆتاییەگان لە قۆناغ ئامادەیی.
