پەروەردەی کوردستان راگەینێد تۆمارکردن تووشهاتنەیل کەمیگ وە کۆڕۆنا لەناو مەکتەوەگان
شەفەق نیوز/ ئالان حەمە سەعید وەزیر پەروەردە لە هەرێم کوردستان، ئمڕوو پەنجشەممە، راگەیان تۆمارکردن رێژەی کەمیگ لە تووشهاتنەگان وە ڤایڕۆس کۆڕۆنا لەناو خوەنەوارەگان و ماموستاگان وەگەرد هاوردنەوەی دەوام فەرمی لە ناو چینەیل خوەنەواری لە کوردستان، و ئاماژە کرد ک ئی تووشهاتنەیلە ئەوە نێخوازێد ک دووارە دەوامەگە بووسیەێد.
قسەی وەزیرەگە لەناو کونگرەیگ رۆژنامەوانی هات لە پشت وەرگردن وەزارەتەگە نزیکەی دوو مەلیۆن دەمامەک لەلایەن رێکخراو خەیرخواز بارزانی ئەرا پشتگیریکردن ریکارە مقەیەتیەگان لە مەکتەوەگان.
حەمە سەعید وتیش؛ وەزارەتەگە لەبنەمای بڕیار دەسەی حکومەتی باڵای دژە ڤایرۆس کۆڕۆنا، و ئامارەیل وەزارت تەندروسی لە هەڵوێست رووژانەی پەتاگە، دووارە دەرەیل چینە خوەنەواریەگان واز کرد.
وتیش؛ هیمان کۆتایی وە ڤایڕۆسەگە لە هەرێم کوردستان نەهاتگە، و دووپات لە گرنگی پابەندبوین ئیدارەیل مەکتەوەگان وە ریکارە تەندروسیەگان کەیمن، ئەرا مقەیەتیکردن خوەنەوارەگان و کادرەیل ماموستایی.
دەربارەی ئەو باسەیلە ک لە تۆمارکردن تووشهاتنەیلیگ لەناونی خوەنەوار و مامووستاگان کریەن، وەزیرەگە وت: تووشهاتن تۆمار کریا وەلی فرە کەمە، وە بەراوردی وەگەرد دوو مەلیۆن خوەنەوار و ماموستا، و دیاری کرد ک وەزارەتەگە ئەوەسا دویای چەن رووژیگ هەڵسەنگاندن وەگورەی هەڵوێست پەتاگە کەێد.
