پەروەردەی کوردستان راگەیان هاتێ تاقیکردنەوەیل نیمەی ساڵ دویا بخریەێد

ئالان لە کۆنگرەیگ رووژنامەوانی کە ئمڕوو وە بوونەی یاد رووژ ئاڵای کوردستان سازکریا و ئاژانس شەفەق نیوز ئامادەبوی راگەیان، "دەوام وەشیوەی تەواو لە سەرانسەر کوردستان دەسوەپی نەکردیە وە مدوو بایکوت مامۆسایەیل لە شمارەیگ ناوچەی هەرێم کە بریتین لە :پارێزگای سلێمانی، و پارێزگای هەلەبجە، هەردوگ ئیدارەیل سەروەخوەیل گەرمیان و راپەرین لەوەر وەرنەگردن مووچە و شایستەیل داراییان".

وتیش "حکومەت هەرێم و وەزارەت پەروەردە لە گفتوگوکردن وەردەوامن وەرد حکومەت بەغدا باوجی نەڕەسینەس ئەرا هویچ چارەسەریگ".

ئاشکەرایکرد " چەن رووژیگ ئەرا دەسوەپیکردن تاقیکردنەوەیل نیمەی ساڵ  مەنییە، هاتێ تاقیکردنەوەیل دویابخەیمن یانیش ساڵ خوەنینەگە وە نەکەفتن هەشماربکرێد  ئەگەر گیچەل بایکۆت چارەسەر نەکرێد".