پەروەردەی هەرێم کوردستان: پێشنیار ٦ شوبات ئەرا هاتنەوەی دەوام مەکتەوگان کردیمن
شەفەق نیوز/ ئاڵان حەمە سەعید وەزیر پەروەردە لە هەرێم کوردستان، ئمڕوو شەممە، ئاشکرا کرد ک دەسەی حکومەتی باڵای دژە ڤایرۆس کۆڕۆنا ئەوەسا لەماوەی رووژەیل کەم ئایندە کۆبونەوەیگ کەێد، و وەزارەتەگە پێشنیار شەش لە مانگ شوبات جوور مەوقەیگ ئەرا هاتنەوەی دەوام لە مەکتەوەگان کرد.
حەمە سەعید لە وتاریگ ئەرا رۆژنامەنووسەگان و پەیامنێر ئاژانس شەفەق نیوز ئامادەی بوی وت: بڕیارە لە دوو مانگ شوبات دەسەگە کۆبونەوە بکەێد، تا بڕیار لەباوەت هاوردنەوەی دەوام دەرکەێد.
و دووپات کرد ک وەزارەتەگە ئەگەر داوەزین رێژەی تووشهاتنەگان وە ڤایڕۆس کۆڕۆنا لە داوەزینی وەردەوام بوی، ئەویش لە کار خوەنەواری لەناو مەکتەوەگان وەردەوام بوود، و وتیش: ئەرک مقەیەتیکردن تەندروسی وسەڵامەتی ماموستا و خوەنەوارەگان کەفێدە بان گەردن وەزارەتەگە.
حەمە سەعید هەمیش وت: وەزارەتەگە تەقەلا دەێد ک ساڵ خوەنستن ٢٠٢٠-٢٠٢١ وەبیخود نەچوود، و دەوامەگە ئەگەر هاتەو ئەوەسا وەرزەیل یەکەم و دوویەم گریدەو، و ئاماژە کرد ک وەزارەتەگە پێشنیار کرد ک هاتنەوەی دەوام بکەفێدە شەش لە مانگ شوبات ئایندە.
