خوەنستن باڵای هەرێم 15 رووژ دەسوەپیکردن دەوام دویا خەێد
2023-10-12T11:08:57+00:00
شەفەق نیوز/ وەزارەت خوەنستن باڵا و توێژینەوەی زانستی لە هەرێم کوردستان، ئمڕوو پەنجشەممە، بڕیاردا دەسوەپیکردن ساڵ خوەنین نوو 2023 - 2024 بخەێدە 25 مانگ تەشرین یەکەم/ ئۆکتۆبەر لەوەر تەواوکردن رێکارەیل توومار وەرگیریاگەیل نوو لە زانکۆ و پەیمانگایەیل.
وەزارەتەگە ئمڕوو لە بەیاننامەیگ راگەیان، لە پێناو بەرژەوەنی گشتی دامودەزگایەیل خوەنین باڵا و تەواوکردن رێکار توومارکردن و وەرگردن موولەت خوەنین لە وەزارەتەگە، رینمایی نوو دەرکریاگە وەپای شمارە 11 ساڵ 2023 ئەرا ناوچە کوردستانیەیل دەێشت هەرێم تا بتوەنن سوودمەن بوون لە توومارکردنیان لە پیشکەشکردن و دەسکەفتن موێەت خوەنین، وەی مدووە بڕیار دریا ساڵ نوو خوەنینن دویابخریەێد ئەرا رووژ چوارشەممە 25 ئێ مانگە لە جیاتی رووژ یەکشەممەی بانان.
