پەروەردەی کەلار داوای دەسمیەتی لە خێرخوازەیل کەێد
![پەروەردەی کەلار داوای دەسمیەتی لە خێرخوازەیل کەێد](https://media.shafaq.com/media/arcella/1662630485623.jpg)
شەفەق نیوز/ وەڕێەوبەرایەتی پەروەردەی قەزای کەلار، ئمڕوو پەنجشەممە، داوای دەسمیەتی لە ریخراگەیل کۆمەڵگای شارستانی کرد، چوینکە سێ تاق دەوام لەناو مەکتەوەیل هەس.
عەدالەت لەتیف وەڕیەوبەر پەروەردەی کەلار لە وتاریگ رووژنامەوانی رەسیە ئاژانس شەفەق نیوز وت: گیچەڵ کەمی بینایل مەکتەو زیایەو بوی، و داوای دەسمیەتی لە خێرخوازەیل کەیمن.
عەدالەت وتیش: وە شیوەی گشتی، کەمی لە مەکتەوەیل دیریمن باوجی هەرلە گەڕەک گازینۆ و بەردە سوور زووریگ گەورەتر هەس.
وتیش: ئی زوورە هیشت بەشیگ لە مەکتەوەیل بوونە سێ مەکتەو، و رووژەگە بوودە سێ تاق دەوام.
وەڕیەوبەر پەروەردەی کەلار وتیش: ئەرا چارەکردن ئی گیچەڵە داوای دەسمیەتی لە وەخشنەیل کردیمن تا دەسمیەتی لە بیناکردن مەکتەوەیل نوویگ بیەن، وت: ئەوەسا ١٧ مەکتەو لە گەرمیان کردیەنە سێ تاق لەی ساڵە، ک لە پارەکە بەرزترە.