پەروەردەی خانەقین: تاقیکردنەوەی ئامادەییەیل مەکتەویل کوردستان وە شیوەی خاسیگ وەڕیەو چوود

پەروەردەی خانەقین: تاقیکردنەوەی ئامادەییەیل مەکتەویل کوردستان وە شیوەی خاسیگ وەڕیەو چوود
2022-08-22T08:38:45+00:00

شەفەق نیوز/ وەڕێەوبەرایەتی پەروەردەی خانەقین، ئمڕوو دووشەممە، راگەیان تاقیکردنەوەیل خول دویەم ئەرا خوەنەواری ئامادەیی- مەکتەوەیل کوردستان، وە شیوەی ئاسان نموونەیی وەڕیەو چوود، و ئەوەیش وە بەشداریکردن زیاتر لە ٥٠٠ خوەنەوار وەگورەی پلانیگ ئەمنی و خزمەتگوزاری توکمەیگ.

حەسەن تاڵەبانی وەڕێەوبەر پەروەردەی خانەقین سەروە هەرێم کوردستان ئەرا ئاژانس شەفەق نیوز وت: تاقیکردنەوەیل خول دویەم ئەرا خوەنەواری ئامادەیی وە لقەیل زانستی وئەدەبی و پیشەسازی، رووژ شەممە، دەسوەپی کرد، وتا بیس و هەشت ئی مانگە وەردەوام بوود، ودیاری کرد ک خوەنەوارەیل بەشەو بوینە دوو بنکەی تاقیکردنەوە.

تاڵەبانی دووپات کرد ک پلان تاقیکردنەوەیل وە میکانزمیگ ئاسان، و رەوشەیلیگ ئەمنی و خزمەتگوزاری گونجیاگ وە هاوکاری گشت لایەنەیل پەیوەندیدار وەڕیەو چوود.

تاڵەبانی وتیش: مەوقەی دەسکردن کادرەیل پەروەردە لە گشت قوناغەیل وە کاریان کەفێدە یەک ئەیلوول ئایندە، و ساڵ خوەنەواری لە سیانزەی ئەیلوول دەسوەپی کەێد، و دووپات لە ئامادەکردن گشت خوازینەیل ساڵ خوەنەواری وەشیوەی تەواویگ کرد.

Shafaq Live
Shafaq Live