رویداویگ هاتوچو لەناوبەین 7 ماشین لە کوردستان 8 ژن و مناڵ و پیاو رەسنێدە خەسخانە
2023-06-02T08:15:58+00:00
شەفەق نیوز/ وەڕیەوبەرایەتی پۆلیس گەرمیان سەر وە هەرێم کوردستان، ئمڕوو جومعە، خەوەردا لە زەخمداریبوین 8 مەدەنی وە رویداو هاتوچو وە مدوو لەیەکداین 7 ماشین لەبان ری قەزای کەلار.
پۆلیس لە بەیاننامەیگ رەسیە ئاژانس شەفەق نیوز راگەیان " 8 مەدەنی ک لە 6 مناڵ و پیاو و ژنیگ پێکهاتنە تویش زەخمداری بوینە وە لەیەکداین 7 ماشین لەبان ری کەلار" وتیش " 6 لە زەخمدارەیلە هن یک ماشین لە خانەقینەو ئەرا کەلار چگنە".
ئاشکەرایکرد " زەخمدارەیل کلکریان ئەرا خەسخانەی کەلار تا چارەسەر پیویست وەربگرن، دەسڵاتدارەیل هاتوچوی رێکارەیل پێویست گرن".
