گەرمیان پلان کشتوکاڵی زمسانی وازیگ دانەێد هەرچەن هووشداری لە ئاو هەس
2023-11-17T08:30:58+00:00
شەفەق نیوز/ ئیدارەی گەرمیان لە هەرێم کوردستان، ئمڕوو جمعە، دووپات کرد کە پلان کشتوکاڵی وازیگ دادە کشاوەرزەیل، هەرچەن سامانەیل ئاو کەمە، وتیش وەهاناڕەسین دیالە وەردەوامە لە مەرقەزکردن ئاو نووشین.
موئەیەد ئەحمەد شەمسەڵلا وەڕیەوبەر سامانەیل ئاو لە گەرمیان ئەرا ئاژانس شەفەق نیوز وت: پلان زمسان ئەرا کشاوەرزەیل وازە وەبی ئەوەگ وەرپرسایەتی لە هویچ قەیرانیگ ئاوی هەڵگریمن، هەرچەن لەی وەختڵ ئەمار ئاوەگە ئەرا خوازینەیل سەرەکیە.
وتیش؛ کشاوەرزەیل لە جیوەجیکردن پلان زمسانی قەیەغە نەکریانە، و ئومید خوازیمن وەتەواوی دابینی بکەیمن لەناو گەشبینییگ وە وەرز تەڕیگ وەگورەی نشانەیل کەشوهەوا.
شەمسەڵلا وتیش: گەرمیان لە کلکردن ئاو وەرەو دەریاچەی حەمرین لە بەنداو دەربەندیخانەو ئەرا نووشین و خوازینەیل سەرەکی وەردەوامە، وە ریژەی ٤٠م3/چ، و رێککەفتن ناوڕاس ساڵ ٢٠٢٢ ناوەین دیالە و گەرمیان وەردەوامە.
