گەرمیان پلان کشتوکاڵی زمسانی دیاری کەێد و وریایی لە سەرکەفتنی نشان دەێد

شادیە حسێن عەباس خانمە وەڕیەوبەر فەرمانگەگە ئەرا ئاژانس شەفەق نیوز وت: رووبەر پلان کشتوکاڵی زمسانی ئەرا ئی وەرزە رەسیە (286) هەزار دۆنەم ئەرا گەنم، و(96) هەزار دۆنەم ئەرا جویە لە گەرمیان و دەورگرد خانەقین.

خانمە وەڕیەوبەر کشتوکاڵی گەرمیان وتیش: پلانەگە وە شیوەی خاسیگ ری کەێد، دویای رینمایی فراوانیگ ئەرا کشاورزەیل ئەرا پشتبەسان وە شیوەیل ئاویاریکردن نوو وە چکەئاو و ئاووەشن ئەرا نواگیری کەمی ئاو ک دەسمیەتی لە خاسەوبوین پلان کشتوکاڵی زمسانی وە چوو پارەکە دەێد.

شادیە خان وتیش: گەرمیان پششن وەو وارانە بەسد ک لەماوەی وەرز زمسان مەزەنە کریاگە، ئەرا وەردەوامی سەرکەفتن پلان زمسانی و وەپشتسەرنان قەیران ئاو تا رەسێدە هەڵمەت بازاڕکردن گەنم، و لە وەختیگ کشاورزەیل جویە ئەرا  ئاژەڵ تەرخان کەن، ک سەرچەوەیگ ژیانیە ئەرایان.

وتیش: نیەتوەنیمن بویشیمن گەرمیان لە رخ هشکەساڵی دەرچگ، لەوەر ئەوە ک تا نیسان ئایندە واران خوازیمن، باوجی نشانەیل مەیدانی جی گەشبینیە، وتیش: پشت وە میکانزم پاڵپشتیکردن کشاورزەیل وە تویەم خاسیگ و شیوەیل نوویگ بەسیاگە ئەرا وەدەسهاوردن بەرهەم فرەیگ و وە کوالیتی بەرزیگ.