گەرمیان: یە سێ وەرزە ئیجور وارانیگ نەواریە و سلێمانی ریژەی وارانەگە راگەینێد
موئەیەد ئەحمەد شەمسەلڵا وەڕیەوبەر فەرمانگەگە ئەرا ئاژانس شەفەق نیوز وت: ناوچەیل گەرمیان قایمترین واران لە سێ وەرز گوزەشتە تا ئیسە وەخوەیان دین، ک ئاو ناو بەنداوەیل بەرزەو بوی و چەم و جووەیل پڕ کرد، و بەنداوەگەی لە دەربەندیخان پڕ کرد، ک رەسێدە ٥ مەلیۆن مەتر شەشپاڵوو.
وتیش: وارانەیل رفتیگ لە ساعەتەیل ئایندە ئەوەسا وارێد، وەگورەی دەسەی کەشناسی، ک سامانەیل ئاوی زیایەو کەێد و ئاو ئەرا پلان زمسانی و پلان ئەمارکردن ئەرا وەرز تاوسان خەێدە پشتدەس.
شەمسەلڵا دووپات کرد ک لافاوەیل لە ناوچەیلیگ لە هەرێم کوردستان دەسکردنە تەکان وەرەو دووڵ و سەرەوخواریەیل لە یەکەی گەرمیان، وتیش: خەوەرەیل رمیان بەنداویگ خوەڵین راس نییە.
دیاری کرد ک ئەو بەنداو خوەڵینە کابرای کشاوەرزیگ ئەرا پشتدەسختن ئاو ئەرا ئاژەڵ دروسی کردگە، وە وارانەگە رمیا، هەرچەن هوشداری وەپی دریاگە ک سوودەیگ نەیرێد.
یەکەی گەرمیان زیان لە هشکەساڵییگ بیوەرین وە درویژی ساڵەیل گوزەشتە وەخوەی دی، لەوەر کەم وارانی و نەوین سامانەیل ئاوی لە جوو و چەمەیل ک لە دەوڵەتەیل هاوسا تیەن.
لە سلێمانی، وەڕیەوبەرایەتی کەشناسی بڕ ئەو وارانە ک لە ماوەی ٢٤ ساعەت گوزەشتە واریە راگەیان، ک رەسیە ١٠٤ ملم، واتە ١٠٠ ملم لە پارەکە زیای کردگە.
ئاسۆ کەمال وەڕیەوبەر کەشناسی سلێمانی لە بەیاننامەیگ رەسیە ئاژانس شەفەق نیوز وت: ١٠٤ ملم واران لە ناوڕاس سلێمانی وە ماوەی ٢٣ ساعەت گوزەشتە واریە.
وتیش: تا ئیسە بڕ وارانەگە لە سلێمانی رەسیە ٤٥٠ ملم، ک پارەکە رەسیە ٣٤٠ ملم.
وتیش: بەرزترین ئاست وارین لە ماوەی ٢٤ ساعەت گوزەشتە لە شار قەرەداغ توومار کریار ک رەسیە نزیکەی ٢٠٠ ملم، و بڕ گشت وارانەگەی ئەمساڵ رەسیە ٧١٠ ملم.
