گەرمیان باس رێکترین دەنگدان تایبەت کەێد ودەنگدان دەیان پێشمەرگە لە خانەقین
شەفەق نیوز/ نۊسینگەی هەڵبژاردن کەلار سەروە نۊسینگەی هەڵبژاردن پارێزگای سلێمانی، ئمڕوو جمعە، باس رێکترین دەنگدان تایبەت وە بەراوردی وە هەڵبژاردنەیل وەرین کرد، و ودەیان لە ئەندامەیل پێشمەرگە لە خانەقین دەنگ دان.
دیار محمد ئەمین وەڕێوبەر نۊسینگەی کەلار ئەرا ئاژانس شەفەق نیوز وت: دەنگدان تایبەت لە ناوچەیل گەرمیان وە شیوەی گونجیاییگ کەفێدە ری، و خوەی رێکترین دەنگدانە وەگورەی دەنگدانەیل تایبەت وەرین.
ئەمین باس هەماهەنگی بەرزیگ وەگەرد دەسەڵاتە ئەمنییەیلە کرد ئەرا رێکخستن دەنگدانەگە وەگورەی خشتەیگ دیاریکریاگ وە شیوەی چینەیلیگ ک وەرێکی وەرەو بنکەیلە رۊی کەن، وتیش؛ بنکەیل دەنگدان تایبەت لە گەرمیان قەرەباڵغ گەورەیگ وەخوەیان دۊینن.
لە خانەقین، دەیان لە ئەندامەیل پێشمەرگە لە بنکەیل تایبەت وە ئامادەبۊن فرەیگ دەنگ تایبەت خوەیان دان.
چەودیرەیلیگ لە خانەقین دووپات کردن ک دەنگدانە تایبەتەگە تا ئیسە وەبی گرفت و گیچەڵی وەڕیەو چوود.
