گەرمیان...کارمەنەیل پەروەردە جادەیل پڕەوکەن ئەرا خوەنیشاندان
شوان جەلال یەکیگە لە بەشداربویەیل خوەنیشاندانەیل وە ئاژانس شەفەق نیوز وت " زیاتر لە 2000 کتس لە ستاف پەروەردە لە گەرمیان کە دەیانیان دانشتگ خانەقینن ئمڕوو خوەنیشاندان کەن، لەنوای بینای وەڕێوەبەرایەتی پەروەردە ئەرا داواکاری 3 لە مافەیلیان.
وەپای جەلال " خوەنیشاندەرەیل داوای خەرجکردن مووچەیلیان کەن کە ماوەی 3 مانگە دویاخریاس و دەسبکرێد وە پلە بەرزەوکردن مامووسایەیل و رەتکردن پاشەکەوتکردن ناچاری مووچە، هەمیش شەرمەزار قەیەغەکردن خوەنیشاندانکردنیان کەن وە لایەن هێزەیل فیدراڵی ئەرا چگنیان وەرەو بەغدا و خوەنیشاندانکردن لەناو پایتەخت کە پیچەوانەی مافە دەستووریەگانە لە چوارچمگ مادەی 38 لە یاسای عراقی".
دووپاتکرد " خوەنیشاندەرەیل وە شیوەی فەرمی داواکاریەگانیان پیشکەش لایەن پەیوەنیدار کردنە لە هەردگ حکومەت هەرێم و بەغداد ئەرا کۆتایی هاوردن وە قەیران مووچە و گیچەڵەیل ژیان ستاف پەروەردەیی.
لە سلێمانیش، مامووسا و وانەبێژەیل راگەیاندن لە دەوامکردن مانگردن خوەنیشاندان گەپیگ رێکخەن لە پارێزگاگە، لەدویای ئەوەگ دەسڵاتدارەیل فیدراڵی قەیەغەی خوەنیشاندانکردنیان کرد لە بەغدای پایتەخت.
