پەرلەمانتاریگ: تورکیا دارەیل هەرێم کوردستان بڕێد وکەێدەی ناوماڵە وزوخاڵ
شەفەق نیوز/ عەلی حەمە ساڵح ئەندام پەرلەمان کوردستان، ئمڕوو پەنجشەممە، وت: تورکیا دارسانەیل ناوچەی بادينان ماڵێد، ک هەڕەشەی ژینگەیی گەورەیگ دروس کەێد.
حەمە ساڵ لە وتاریگ وە ڤیدیۆ لەبان سۆشیال میدیا وت: دارە تەمەن درویژەیل لەناو سنوور ناوچەی بادینان بڕیەن و ئەرا تورکیا کلیان کریەن، و دەیان لە دارسانەیل وە تەواوی بوینە زەوی، و یەیش هەڕشەی ژینگەیی گەورەیگ دروس کەێد.
وتیش: یەکیگ لە ئاژانسەیل بڵاو کرد ک دارەیل هەرێم کوردستان بڕیەن و ئەرا تورکیا کلکریەن، تا لە دروسکردن ناوماڵە وزوخاڵ وەکاریان بارێد.
وەی دویاییە، ریخریاگ (CPG) لق هەرێم کوردستان عراق راگەیان ک تورکیا دارەیل بڕێد تا سوود لە بەشیگیان بگرێد لە بیناکردن ریوبان، و ئەو بەشەگەی ئەرا سەربازگەیلی بەێد، و بەشیگیش ئەرا وڵاتەگەی کل کەێد.
لەی باوەتە، ئاژانس "ميزوبوتاميا" لە زوان سەرچەوەیلیگ وت: بەشیگ لە دار دارسانەیل هەرێم کوردستان لە دروسکردن ناوماڵە لە تورکیا وەکاری تیەرن، و ئەو بەشەگە لە دروسکردن زوخاڵ.
ریخریایلیگ پەیوەندیدار لە چین ژینگە، لەناوڕاس ساڵ ٢٠٢١ راگەیانن ک سوپای تورکیا نزیکەی ١٠٠٠ دۆنم لە زەویەیل سرووشتی ویران کرد لەو پەلامارەیلە ک لەناوچەیل سنووری لە هەرێم کوردستان جیوەجییان کەێد، هەمیش زەرەدەیل گەورەیگ رەسانە ئاژەڵەیل.
جی باس ک حکومەت هەرێم کوردستان لە وەخت خوەی وەبان زوان جوتیار عادل قسەکەری باس بیزاری لە سیمای بڕین دارەیل لەناوچەیل سنووری کرد، و داوای وسیان ئی رەفتارە کرد ک زەرەد وە سرووشت و ژینگەی کوردستان رەسنێد.
