پەرلەمان کوردستان داوای لێکۆڵینەوە لە بەغداد کەێد لە سزانن بارەگای پارتی وئاڵای کوردستان
شەفەق نیوز/ پەرلەمان هەرێم کوردستان، ئمڕوو شەممە، داوا لە دەسەڵاتە عراقیەگان لە بەغداد کرد لێکۆڵینەوە بکەن لە رووادو دەسدریژی لەبان بارەگای پارت دیموکرات کوردستان و سزانن ئاڵای کوردستان لە بەغداد.
پەرلەمانەگە لە بەیاننامەیگ رەسیە ئاژانس شەفەق نیوز وت: وە سەختی شەمەزار ئی دەسدریژیە و سزانن ئاڵای کوردستان کەیمن ک خوەی سومبل گەل کوردستانە ولە سای ئەو ئاڵا گەلەکەمان قوربانیەگان وەخوین پێشکەشکردن ئەرا رەسین وە ئازادی و دیموکراتی.
وتیش؛ داوا لە حکومەت وپەرلەمان عراق کەیمن لێکۆڵینەوە لەی کارەیل نا یاساییە بکەن ک دویرە لە باوە سیاسیەکان و دژوە پێکەوەژیانە و سزادان تاوانبارەیلی.
هەمیش وت؛ هەرچەگ دەسپیچگ ئی دەسدریژیە بوود رییەیل شارستانی و راگەیانن و سیاسی وپەرلەمانی هەس ئەرا وەڵام دانی.
پەرلەمان کوردستان داوا لە حکومەت عراق کرد ری نەیەێد لەنوای ئی هێزەیل توندڕەوە لە زەرەداین لە پێکەوەژیان و بنەمایل دەستور و فراوانی ونەتەوەیی و ئاینی و مەزهەبی لە عراق.
