پەرلەمان هەرێم کوردستان لە کۆتایی مانگەگە گردەو بوود
شەفەق نیوز/ بڕیارە پەرلەمان هەرێم کوردستان دوو سوو دووشەممە، داتیشتن ئاسایی خوەی بکەێد ئەرا باسکردن لە ژمارەیگ لە یاسا وباوەتەگان.
دەزگای سەرۆکایەتی پەرلەمان لە بەیاننامەیگ ئمڕوو داوا لە ئەندامەگان کرد لە ساعەت ١١ وەرجە نیمەڕو دووشەممە، ٢٠٢٠/١١/٣٠ ئامادە بوون.
وەگورەی خشتەی کارەگان، دانیشتنەگە یەکەم خوەنستن ئەرا پێشنیارەیل ئی یاسایلە هاناوی:
١/ پێشنیار یاسای پەروەردە وخوەنەواری لە هەرێم کوردستان.
٢/ پێشنیار یاسای یەکەم راسەوکردن زانکۆە تایبەتەگان لە هەرێم کوردستان.
هەمیش لە دانیشتنەگە خوەنستن و باسکردن دوو راپۆرتەگەی دەسەی پەیوەندیە پەرلەمانیەگان و دەسەی رووشنهویری و کۆمەڵگای مەدەنی و وەرزشی گەنجان ها ناوی لە باوەت کۆچبردن گەنجەیل وەروو دەیشت وڵاتەگە وە ئامادەبوین وەزیرە پەیوەندیدارەگان لە هەرێم کوردستان.
وەگورەی خشتەی کارەگان، داتیشتنەگە پێشنیاریگ لەلایەن پەرلەمانتار شنۆ عشقی عەبدولڵا لەباوەت دابینکردن دەرفەتەیل کار لە هەرێم کوردستان هاناوی.
