رانندەیگ لە مەرز پەروێزخان لەدیم ئیران دریەێدە وەر چەقو
شەفەق نیوز/ لە مەرز ناودەوڵتی پەروێزخان لە دیم ئیران بڕیگ کراکار ئیرانی وە چەقو دانلە رانندەیگ کورد، و لەبان ئەو دەسدرۊژیە ک لەو رانندەی كوردە کریا، سەرپەرشتیار مەرز ناودەوڵتی پەروێزخان زانیاری خەێدە وەرچەو.
ئمڕوو چوارشەممە، عەباس ئیسماعیل، سەرپەرشتیار مەرز ناودەوڵتی پەروێزخان ڕاگەیان: رانندەیگ كورد لە مەرز پەروێزخان لە دیم ئیران لەلایەن چەن کراکاریگ ئیرانی وە چەقو دانەسەلی و لەبان ئەو بابەتە دوو رووژە خەریك گردەوبوین وەگەرد ئیرانیەیلە و وەڕیەوبەر مەرز و گومركیان کەیمن، و ئمڕوویش وەگەرد حاكم و قایمقام قەسر شیرین و نوێنەر سەركۆماریان و وەرپرس پۆلیسیان و دەزگا ئەمنییەیلیگتر هاتن تا ئەو باوەتە دووارە نەوود.
وەپەی زانیارییەیل بڕیگ کراکار ئیرانی لە مەرز پەپروێزخان لە دیم ئیران دەسدرۊژی لە رانندەیگ كورد کردنە، و دانەسەی وەر چەقو، رویداوەگە دوو رووژ وەرجە ئیسە بویە، باوجی وەی نووە ئاشكرا بویە.
