ئیران واژوو لەبان ناوچەیگ ئازاد وەرد هەرێم کوردستان کەێد

شەفەق نیوز/ بەهمەن مورادیان پارێزگار کوردستان خوەرائاوای ئیران، ئمڕوو پەنجشەممە، راگەیان واژووکردن کۆمەڵگەی دیاریکردن بەرژەوەنی رژیم لەبان دامەزرانن ناوچەی ئازاد بانە - مەریوان  لەی پارێزگای سنووریە وەگەرد هەرێم کوردستان.

پارێزگارەگە لە قسەیلیگ رۆژنامەوانی نشان رەزامەنی و واژووکردن کۆمەڵگەگە لەبان دامەزرانن ناوچەی ئازاد بانە – مەریوان دا، دویای چەن ساڵیگ لە باسکردن ئی باوەتە، و وت: دامەزرانن ناوچەی ئازاد لە بانە و مەریوان هیلێد ئەوزەڵکردن لە پارێزگای کوردستان وەزوی گەشە بکەێد و بەرهەماکارەیل وەخوەی بکیشێد.

وتیش؛ ئەوەسا ئی گامە دەور گەورایگ لە کەمەوکردن بیکاری لە پارێزگاگە رانێد.