ئیران.. شەرمەزارکردن دەرچگن فەرمان وەسێدارەدان لەبان خانمە چالاکوانیگ کورد

شەفەق نیوز/ چالاکوانەیل ماڤپەروەری و سیاسی، ئمڕوو دووشەممە، نیگەرانیی خوەیان نشان دان وەرانوەر ئەگەر جیوەجیکردن فەرمان وەسێدارەدان لەبان خانمە زیندانی سیاسی کورد ئیرانی وەریشە موڕادی، دویای لە زیاتر لە یەک ساڵ ونیم لە زیندانیکردنی، و شەرمەزار ئی فەرمانە کردن.

 وەگورەی ئەو بەیاننامە کە 247 چالاکوان سیاسی و مەدەنی لەبانی واژوو کردن، موڕادی کە یە زیاتر لە ساڵ و نیمیگە دەسگیر کریاس، ئیرنگە بویەسە تویش فەرمان وەسێدارەدان، و شایەت دادگای باڵا دووپات لەبای ئی فەرمانە بکەێد و هەر مەوقەیگ هاتێ جیوەجیی بکەن.

 واژووکەرەیل بەیاننامەگە وتن؛ وەریشە موڕادی پەنج مانگ لە تاکە زیندانی بوی، کە کەفتە وەر فشار درووستی و لەش، و دویای ئەوە فەرمان وەسێدارەدان لەلایەن ئەبولقاسم سەلاواتی لەبانی دەرچگ، و ری وە پارێزەری نەیریا تا وەرکرەی لە خوەی بکەێد.

چالاکوانەیل دووپات کردن کە وەریشە موڕادی رۆڵ گەورەیگ رانیە لە تاوانادارکردن و هوشیارکردن ژنەیل لە ناوچەیل کوردستان عراق و سوریا هەناێ لەو ناوچەیلە بویە، دووپاتیش کردن کە ئی فەرمانە نەک تەنیا لەبان وەریشە موڕادیە، بەڵکم لەبان گشت ژنەیل ئیرانیە.

لەی مانگەیل دویاییە، شمارەی گەورەیگ لە چالاکوانەیل مەدەنی و سیاسی، وەگەرد ریخریاگەیل وەرگریکردن لە ماف مرۆڤ، داوای هەڵوەشانن فەرمانەیل وەسێدارەدان وەکوتپڕ لەبان سێ ژن کوردستان کردن کە دەسگیر کریانە، عەربەت وەریشە موڕادی، پەخشان عەزیزی، شەریفە محمدی.

 وتنیش؛ فەرمانبەرەیل وەسێدارەدان لەبان سێ ژت کورد، ئەرا نموونە، و زیاتر لە 50 زیاندانی سیاسی و زیندانی را، و هەزاران زیندان وە توومەتەیل هووشبەری.