گرانی بازاڕ بار مەردم سلێمانی لە رەمەزان سەنگینەو کەێد .. وینە
شەفەق نیوز/ وەگەرد هاتن مانگ رەمەزان، هۊچ باسیگ لەبان زوان مەردم نیە بیجگە گرانی بازاڕەگە لە شار سلێمانی، هەکاتی فرەی ئەو شارەیلە ک لە مانگ رەمەزان خەرجکردن زیایەو بوود، ئەوەیش لەوەر رسوومەیل ئی مانگە لە شیوەی خواردن نووشین، چ ئەرا خیزان بوود یا ئەرا بنەماڵە و برادەرەیل.
بازاڕەیل سلێمانی دۊای ناوڕاس مانگ رەجەب ئامادکاری وە گردەوکردن قەمردین و کەرەزات و ئەنجیر و خورما و نووشین و تورشیاتی و زەیتون و رەنگاوڕەنگی و چراخ و رووشانیی کردن، باوجی هەکاتی هەمیشە، گرانی لە نرخەیلە وەخوەی دی، تەنانەت وەرجە جەنگ رووسیا و ئۆکرانیا.
وەگورەی قسەیل بازرگانەیل، ک ئەرا ئاژانس شەفەق نیوز وتن: بەرزەوبۊن نرخەیلە وە ئاست ٣٠ تا ٣٥ لەسەد بۊ، ئەوەیش لەوەر گرانکردن خەرج هاوردە، و گرانی خەرج بارکردن، نەگ تەنیا لەوەر گرانی چشتەیل لە دەیشت، وتنیش: کوردستان فرەی خوازینەیل رەمەزان لە دەیشت هاوردە کەێد.
لەلای خوەیانیش، هاووڵاتیەیلیگ لە قسەیلیان ئەرا ئاژانس شەفەق نیوز داد لە گرانی نرخەیلە و شیواشیویگ لە بوودجەی مانگانەی ماڵەیلیان کردن، ک ئی رووژەیلە لە هەر وەختیگ تر لەبانیان سەختترە.
فەرمانبەریگ حکومەتی وت: ئی رەوشەیل ئیسە ناچارمان کەێد بکەفیمنە فتراق کارە گرنگەیل لەماڵ، و مینەی چشتەیلیگ ئەرزانتر بکەیمن، هەرچەن بیگومان خاستریش نییە، یە چەن ساڵیگە ئی گرانیە تەواو نەۊیە.
ژنیگیش لە سلێمانی باس بیزاری خوەی لە زوور گرانی بازاڕەیل کرد لەبان خیزانەگەی، وت: ئی کار لە هۊر کەس نەۊی، ک ئیمە وە خوەشی چەوەڕی مانگ رەمەزان کردیمن ، و چشتەیل ئی مانگە سەنیمن، ئیجا نووڕیمن ک گیرفانمان چووڵەو بۊ، هەڵبەت ئی مانگە کەرزات و خورما نیەخوەیمن. لەلای خوەییش،
سۆران عەبدولغەفور وەڕیەوبەر چەودێریکردن بازرگانی لە سلێمانی وت: دەسەیل چەودێریکردن نرخەیل وەرجە رەمەزان وە ١٥ رووژ پلانیگ دانا، وە گردەوکردن نرخەیل بازاڕەگە وەگەرد چەودێریکردن نرخ سەنینیان لە مەرزەیل سنووری و بازاڕەیل بازرگانی.
عەبدولغەفور ئەرا ئاژانس شەفەق نیوز وتیش: ئەوەسا ئی دەسەیلە وەردەوام بوون لە چەودێریکردن نرخەیلە، لەبنەمای ئەو نرخەیلە ک وەرجە مانگ رەمەزان نریان.
