(ئەرا پەنجەمین یەکشەممە) مامووسا و وانەبێژەیل سلێمانی خوەنیشاندان کەن...وینە
پەیامنێر ئاژانس شەفەق نیوز لە سلێمانی وت، خوەنیشاندانەگەی ئمڕوو پەنجەمین یەکشەممەس لەبان یەک لەماوەی بایکۆتکردن دەوام لە مانگ ئەیلوول گوزەشتە.
دڵشاد ئەحمەد یەکیگە لە خوەنیشاندەرەیل لە ستاف پەروەردەیی لە سلێمانی وە ئاژانس شەفەق نیوز وت، "خوەنیشاندانەیلیان وەردەوام بوود هەرچەنە جواو نییە وەلایەن لایەنە پەیوەنیدارەیل ئیە وە پشتگووشخستن داواکاری و مافەیلیان دانرێد کە وەپای دەستوور ئەرایان دیاری کریاگە".
وتیش " خوەنیشاندانەیلیان دژ وە کەسیگ یان وەرپرسیگ نییە بەڵکم ئەرا داواکردن مافەیلیانە ئەرا وەردەوامبوین لە زندگی شایستەیگ، ئەرا ئەوەگ ئەرکەیل پیشەیان ئەنجام بیەن هەوەجە کەن وە پویل ئەرا دابینکردن خوازین خیزان و مناڵ وە بی پویل نیەتوەنیمن وەردەوامبویمن لە زندگی ئاسایگ".
دووپاتکرد، وەردەوامن لە خوەنیشاندان و بایکۆتکردن تا جواو داواکاریان درێد واتە خەرجکردن مووچەی دیرکەفتیان، دەسبکەن وە پلە بەرزکردنەوە و کە ماوەی زیاتر لە نۆ ساڵە وسیایە ماموسایەیل وانەبێژ دابمەزرێنن".
