ئەرا یەکەمجارە گەرمی شاریگ کوردی بڕەسێدە ١٨ی خوار سفر
2022-01-05T12:34:42+00:00
شەفەق نیوز/ دۊیەوشەو، نزمترین پلەی گەرمی لە شاری ئاگری باکوور کوردستان توومار کریا ک ١٨ پلەی ژیر سفر بۊێ.
وەپەی راگەیانن كه‌شناسی ئانادۆڵ خۆرهەڵات دۊیەوشەو، نزمترین پله‌ی گه‌رمی لە پارێزگای ئاگری تۆمار کریا ک ١٨ پلە خوار سفر سەدی بۊی.
لە دۊیای ئەویش لە قەرس ١٠ پلە ژێر سفر سه‌دی، ئه‌رزینجان هەفت پلە ژیر سفر سەدی، ئه‌رزه‌ڕۆم و ئیدر شەش پلە ژێر سفر سەدی، دێرسم پەنج پلە ژیر سفر سەدی و لە ئەردەخان چوار پلە ژیر سفر سەدی بۊێ.
لەهەرێم کوردستانیش ئمڕوو نزمترین پلە ٢ پلەی ژیر سفر بۊێە، لەحاجی ئۆمەران توومارکریا.
