ئەرا یەکەمجار.. خانەنشینەیل سلێمانی مووچەیلیان وەپای یاسای هاوتاکریاگ وەرگرن
شەفەق نیوز/ ئەرا یەکەمینجار لە هەرێم کوردستان، خانەنشینەیل مووچەیلیان وەپای یاسای خانەنشینی هاوتاکریاگ شمارە 9 ساڵ 2017ی عراق وەرگردن، کە گشت خانەنشینەیل هەرێم کوردستان لەێ بڕیارە سوودمەن بوون.
پەیامنێر ئاژانس شەفەق نیوز وت: خانەنشینەیل، ئمڕوو سێشەممە، وە جۆش و خرۆش رویکردنەسە بانکەیل ئەرا وەرگردن مووچەیلیان کە چەوەڕێ بوین وە ئەو هیوایە پرۆسەی هاوتاکردن مووچەیلیان وەگەرد بەغداد بچێدە جیوەجیکردن و ئاڵشتکاری وەرجەستەیگ لەژیانیان دروسبوود.
وتیش، هاوتاکردن مووچەیل خانەنشینەیل کاریگەری ئەرێنیگ لەبان ژیانیان دروسکەێد، وەپای ئەوەی مووچەیان زیایەوبوود، مووچەی ئەو خانەنشینەیلە 200هەزار و 300 هەزارە ئەرا دوو ئەوەنە زیایەوبوود.
وتیش، لەماوەی چەن رووژ کەمیگ گوزەشتە، فرەیگ لە بانکەیلە تەقەلای خەسیگ دان ئەرا ئامادەکردن لیست خانەنشین و هەماهەنگی وەگەرد بغداد وەپای یاسا ندەگە، بڕیگلە بانکەیلیش تا شەو گوزەشتە سرقاڵ ئامادەکاری بوین ئەرا دابەشکردن مووچەی خانەنشینی ئمڕوو.
