ئەرا یەکەمین جار لە میژوو ئۆڵۆمپیاد.. دویەتیگ کورد مەشخەڵ وەرەو پاریس هەڵگرێد

شیلان مستەفا، کورد عراقە، بوودە یەکەمین دویەت کورد، و یەکەمین عراقی ک مەشخەڵ ئۆڵۆمپی لە ئەسینا تا پاریس هەڵگرێد.

شیلان لە شارەوانی شار فلۆری، لە باشوور پاریس، ئەو ناوچە کە لەناوی داکاسیاس، داوا لەلی کریا بوودە نوینەر شارەگە لە هەڵگردن مەشخەڵ ئۆڵۆمپی پاریس، لە رووژ جمعە.

شیلان مستەفا، ئەو دویەتە لە تەمەن ٣٣ ساڵان، خەڵک پارێزگای دیالە، لە شار خانەقین، تەنیا خوەشکە ئەرا سێ برا، و خیزانەگەی لە چەن پارێزگایگ عراق بوین، ئیجا ئەرا لیبیا چگن، و هەناێ تەمەنی رەسیە چواردە ساڵان، رەسینە فەرەنسا.

لە فەرەنسا، شیلان دیزاین پیشەسازی خوەنست، وەلێ دووس وەرزشی هات، و مەکتەوەیل فەرەنسا دەرفەت وەپی دار تا لە تایکواندۆ ئارەزوو خوەی پەیا کرد.

شیلان یانەی تایبەت خوەی دروس کرد، و بویە وەرپرس تەنیا یانەیگ لەو ناوچە.