ئەرا دوو رووژ بانان.. پلەی گەرمی لە هەرێم کوردستان هاناو چلەیل
2022-08-15T16:50:14+00:00
شەفەق نیوز/ دەسەی کەشناسی هەرێم کوردستان، ئمڕوو دووشەممە، مەزەنەی بەرزەوبوین پلەی گەرمی لە گشت ناوچەیل هەرێم کوردستان لە ماوەی ٤٨ ساعەت ئایندە کرد.
دەسەگە لە بەیاننامیگ رەسیە ئاژانس شەفەق نیوز وت: ئەوەسا پلەی گەرمی لە ١ تا ٢ پلە لە هەرێم کوردستان، لە ماوەی دوو رووژ ئایندە بەرزەو بوود، وەیجویرە:
هەولێر: ٤٣، سلێمانی: ٤٢، دهۆک: ٤٢، هەڵەبجە: ٤٤، گەرمیان: ٤٧، سۆران: ٤٢.
