ئەرا دویەم رووژ وبان یەک... ڤیستواڵ بازاڕکردن لە گرمیان وە ئامانج پاڵپشتیکردن بەرهەمەیل ناوخوەی(وینە)
شەفەق نیوز/ ئیدارەی گەرمیان ئمڕوو پەنجشەممە ئەرا دوویەم رووژ وەبان یەک ڤیستواڵیگ بازاڕکردن وە خوەی دی، بەشداربویەیل وتن ئامانج لە ڤیستواڵەگە دروسکردن بازاڕە ئەرا بەرهەمەیل خوەمانی.
پەیامنێر شەفەق نیوز وت" ڤیستواڵەگە وە شیوەی راستەوخۆ وەلایەن وەڕێەوبەرایەتی گشتی گەشتوگوزار لە گەرمیان سەرپەرشتی کریەێد، یە سێەم جارە ک لە شار کەلار ناوەند ئیدارەگە سازیەێد".
ئەحمەد عومەر ک یەکیگە لە بەشداربویەیل ڤیستواڵەگە وە ئاژانس شەفەق نیوز وت" ڤیستواڵەگەی ئمساڵ وە بەشداری 200 کۆمپانیای فروشتن لە ئیدارەی گەرمیان و هەرێم کوردستان و ناوچەیل ناوڕاس و باشوور عراق سازیا".
وتیش" ڤیستوالەگە نمایشکردن بەرهەمەیل خوەمانی وەتایبەت بەرهەمەیل کوردەواری گرێدەخوی"، دووپاتکرد"ئامانج لە سازدانی دروسکردن بازاریگە ئەرا بەرهەمەیل خوەمانی".
ڤیستواڵەگە، دویکە چوارشەممە دەسوەپی کرد و ئەرا ماوەی سێ رووژ وەردەوامە و لە ساعەت نۆی شەوەکی دەسوەپی کەێد تا ساعەت هەفت ئیوارە لە شار بازی کەلار.
