ئەرا پاڵپشتی خوەنەوار.. کرای خوەنستن ئیواران و پاڕالێل وە رێژەی 45% لە کوردستان
شەفەق نیوز/ وەرزیر خوەنین باڵا و لێکۆڵینەوەی زانستی هەرێم کوردستان، ئارام محەمەد، ئمڕوو شەممە، راگەیان، وە ڕێژەی 45% داشکاندن کرێد لە خوەنین ئیواران و پاڕالێل ئەرا ساڵ خوەنین ئمساڵ، وەبەراورد وە ساڵەیل وەرین، لەی گامە ئامانج لەلی کەمەوکردن بارگرانیە لەبان خوەنەوارەیل و خێزانیان.
وەزیر لە بەیاننامەیگ کە ئژانس شەفەق نیوز دیەسێ وت؛ " لە چوارچمگ رێکارەیل وەزارەت ئەرا پاڵپشتی لە خوەنەوارەیل و پاڵپشتیکردنیان لە خوەنستن زانکۆ، وەتایوەت لەوەر ئەو ئاڵنکاری ئابووریەیلە هەس، کرای خوەنین ئیواران و پاڕالێل ئەرا ساڵ خوەنستن ئمساڵ وە ڕێژەی 45% کەمەوبوود".
دیاریکرد "کرای خوەنین ئەهلی 10% و25% کەمەوکریەن یە دەرفەتیگە ئەرا خوەنەوارەیل پەیوەستبوون وە خوەنین باڵا وە تێچگ کەمتریگ.
و بڕیارە وەزارەت خوەنین باڵا ناو خوەنەوارەیل وەرگیریاگ لە زانکۆ و پەیمانگایەیل حکومی و تایوەت هەرێم کوردستان لە رووژ یەکشەممەی ئایندە رابگەێنێد، ئەرا دەسکردن وە پرۆسەی توومارکردن خوەنەوارەیل.
