رەوش سەختیگ ئەرا فەرمانبەرەیل هەرێم.. دارایی پەرلەمان عراق: کار مووچەیل وە یەکجاری چارەسەر نەکریاس
شەفەق نیوز/ جەماڵ کۆچەر ئەندام دەسەی دارایی لە پەرلەمان عراق، ئمڕوو چوارشەممە، دووپات کرد کە قەیران سپۆنسەرکردن مووچەیل فەرمانبەرەیل هەرێم کوردستان تا ئیسە چارەسەر نەویە، وتیش: فرەی خیزانەیل کورد کەفتنەسە رەوشەیل سەختیگ لەوەر دیرکەفتن خەرج مووچەیان.
کۆچەر ئەرا ئاژانس شەفەق نیوز وت: وەداخەو فرەی خیزانەیل لە هەرێم کوردستان پشت وە مووچە بەسن، و ئی کارە هیمان گیر خواردگە و وەیەکجاری چارەسەر نەکریاس، لەبان بڕیارەیل دادگای فیدڕاڵی لەبانی.
وتیش: حکومەت فیدراڵی لە بەغدا مووچەیل مانگ ١٠ لە سەرەتای مانگ ١٢ سپۆنسەر کرد، وەلێ مووچەی مانگ ١١ تا ئیسە سپۆنسەر نەکریاس، کە فەرمانبەریل کورد لەبان ئەوە کەفنە رەوشەیل سەختیگ.
کۆچەر وتیش: کار خەرجکردن مووچەی فەرمانبەرەیل هەرێم کوردستان چارەسەر نەکریا و وسیانیگ راسیانە لەلایەن خاوەن بڕیارەیل خوازێد ئەرا کۆتاییهاوردن وە قەیرانەگە، و خەرجکردن مووچەی فەرمانبەرەیل لە وەخت خوەی.
دادگای فیدڕاڵی وەگورەی بڕیار شوبات ٢٠٢٤، ئەرکدار هەرلە سەرۆک وەزیرەیل فیدڕاڵی محمد شیاع سودانی و سەۆک حکومەت هەرێم کردوە خەرجکردن مووچەی فەرمانبەرەیل کورد وەبی دیرکەفتن.
ئمڕوو چوارشەممە، ئەنجومەن وەزیرەیل هەرێم کوردستان دووپات کرد کە گشت پابەندیەیل حکومەت هەرێم کوردستان لە باوەت مووچەی فەرمانبەرەیل جیوەجی کردگە.
