رەنگینی دهۆک خیزان و گەنجەیل عراق کیشێد.. وینە
لە وەرز تاوسان ئی هاتنە وەشیوەیگ فرە دیار دەێد ئەوەیش وەگەرد بەرزەوبوین پلەی گەرمی.
تاڤگەی ئاشاوە، یەکیگ لە دیارترین ناوچەیل گەشتوگوزاریە کە هەمیشە هاناو تەکبیر گەشتیارەیل مەوقەی سەردانکردن پارێزگای دهۆک.
یوسف سمکۆ کە لە هەولێرەو هاتگە، ئەرا ئاژانس شەفەق نیوز ئویشێد: سەیرانگای تاڤگەی ئاسانە لە شوینە رەنگینەیل دهۆکە كە کوشوهەواق لە وەرز تاوسان خوەشە، وە گەرد سرووشت رەنگینی وەتایبەت لە تاڤگەگە کە شوینیگ جیاوازە ئەرا گەنجەیل.
لەلای خوەییشر عەبدولڵا سەعد، کە لە بەغدادەو هاتگە، ئەرا ئاژانسمان ئویشێد: ئەو خیزانەیل عەرەوە هەناێ تیەنە هەرێم کوردستان، روی وەرەو ئی شوین رەنگینە کەن، چوینکە شوینەگە خوەشە و خزمەتگوزارییەیل گەشتوگوزاری خاسیگ دیرێد.
لەلای خوەییش، ئەیمەن سەلام لە دیالەو هاتگە ئەرا ئاژانس شەفەق نیوز ئویشێد: ئی سەیرانگا شوین خاسیگە ئەرا ئەو خیزانەیلە کە خوازن وەخت خوەشیگ وەسەر بوەن، و لە گەرمی تاوسان قورتار بوون، و ئی کارە ئەرا گەشتوگوزاری لە هەرێم کوردستان فرە گرنگە، چوینکە گرنگیدان وەیجویر شوینەیلە هلیێد گەشتیار عراقی واز لە چگن وەرەو دەیشت وڵات بارێد.
پەیامنێر ئاژانس شەفەق نیوز وت: سەیرانگایل پارێزگای دهۆک رووژانە شمارەی فرەیگ لە گەشتیارەیل کیشێد، و مەوقەی ئیواران رەنگیترەو بوود کە خوەرەگە تیژ نییە.
