"چیرۆکەیل مەردم ئیلام" بڵاوبوی

مەنسور موحبی وە ئاژانس خەوەری میهر راگەیان :" مەتەڵەێڵ مەردم ئیلام" کۆمەڵە چیرۆکیگە ک خوداداد ئبراهیمی وە ئەڵگەردیانکردن چیرۆکەیل و داستانەیل فلکلۆری خاک کوین ئیلام نوسایەسێ و دوارە دارشتنیان کردیە.

وتیش: لەی کتاوە بیجگە لە دەق فارسی ئەڵگردیانیا ئەرا کوردی وە خامەی نعمەتوڵا داودیان کریاگە، وە شیوازیگتر ئی کتاوە ‌بەرهەمیگ دوو زوانەس ک وە ئامانج ناسانن میرات ئەدەب زارەکی و فلکلۆر ئیلامی نویسریاگە پیشکەش وە کەسەیل ئەزرەتمەن کریاگە.

موحبی دیاری کرد، خوداداد ئبراهیمی ئەزمون داستان نویسینی لەی کتاوە نمایش کردیە وە دوارەسازی چیرۆکەیل کوین دروسیان کردیە و وە شیوەی نوو دارشتنیان کردیە، خسیەسی وەر دەس نەوەی ئمڕووژای ئیلام وە تایبەت کورد زوانەیل.

ئاشکەرایکرد، نعمەتوڵا داودیان وە قەڵەمە قسەوانەگەی داستانەیلە ئەڵگەریانیە ئەرا کوردی ئیلامی هەمیش دەزگای چاپ وپەخش زانا گشت توانا و ئەزمونەیلی وەکارهاوردیە ئەرا ئی بەرهەمە، و ئەفشین ئبراهیمی کار دیزاین بەرگەگەی گردیەسە خوەی.

جی باسە مەتەڵەیل مەردم ئیلام  لە 150 لاپەڕە و 500 بەرگ وە پاڵپشتی ئیدارەی گشتی رویشنهویری و رەوشت ئسلامی پارێزگای ئیلام بڵاوکریاگە.