رەسیە شەنگال.. رزگارکردن دۊتیگ ئەیزیدی لە چنگ داعش لە سوریا
![رەسیە شەنگال.. رزگارکردن دۊتیگ ئەیزیدی لە چنگ داعش لە سوریا](https://media.shafaq.com/media/arcella/1644938890672.jpeg)
شەفەق نیوز/ سەرچەوەیگ حکومەتی، ئمڕوو سێشەممە، راگەیان رزگارکردن دۊتیگ ئەیزیدی لە چنگ داعش لە شار دێر زور سوریا.
سەرچەوەگە ئەرا ئاژانس شەفەق نیوز وت: دۊتە ئەیزیدیەگە خەڵک کۆمەڵگەی حەردانە لە باکوور کۊەی شەنگال، و دووپات کرد ک ئمڕوو دۊتەگە چەو کەفتە باوانی لە شەنگال، دۊای ئەوەگ لەبان ناحیەی رەبیعە لە پارێزگای نەینەوا رەد بۊ.
جی باسە ک چەکدارەیل داعش، هەزاران ژن و زاڕوو لە مەوقەی داگیرکردن قەزای شەنگال لە ساڵ ٢٠١٤ رفانن، نزیکەی نیمیان رزگار کریا، و هیمان چارەنۊس ئەوکانیان نادیارە.