رێزگردن لە نویسەریگ كورد فەیلی لە سلێمانی
شەفەق نیوز/ دویەکە چوارشەممە، کۆنگرەیگ لە شار سلێمانی وەڕیەو چگ، وە ئامادەبوین بڕیگ لە مامووستایل زانکۆەیل، پسپۆڕەیل زوان کوردی.
لەناو ئەو کۆنگرە ک لەژیر ناونشان (ئەو سەختیەیلە ک کەفنە نوای زوان کوردی) سازیا، شمارەیگ لە مامووستا وپسپۆڕەیل را و توێژینەوەی خوەیان لەباوەت زوان کوردی، و ئەو سەختیەیلە ک کەفنە نوای ئاشکرا کردن.
کامیران رەحیمی نویسەر کورد فەیلی، ، توێژینەوەی وەناونشان (پەهلەوی ئەو هەڵقەی رفیایە لە زوان کوردی) پیشکەش کۆنگرەگە کرد، ک وەوجویرەگ وەناونشانەگەی دیارە، باس ئەو شیوەزار گرنگ ورەسنە لەناو نەتەوەی کورد کەێد، ک وە درویژی میژوو، کەفێدە وەر تاویان ورفیان لەلایەن نەتەوە و زوانەیل ناوچەیل تیکڵا.
ئەرا گرنگی ئی توێژنەوەی مامووستا کامیران رەحیمی ک خەڵک ئیلام فه‌یلییه له خوەرهەڵات کوردستان ، لە کۆتایی کۆنگرەگە کتاویگ سوپاسگوزاری لەلایەن یەکێتی نویسەرەیل کورد پیشکەشی کریا.
