رێکخریایگ ئەمریکی: سوپای تورکیا تەقینەوە لە زنجیرە ئەشکەفتەیل باکوور دهۆک ئەنجام دایە
شەفەق نیوز/ رێکخریاگ (CPT) ئەمریکی، ئمڕوو چوارشەممە، راگەیان سوپای تورکیا لە زنجیرە ئەشکەفتەیل سنوور ئاوای "سەگیر" سەر وە قەزای ئامێدی لە باکوور دهۆک لەهەرێم کوردستان تەقینەوە ئەنجامدایە.
کامەران عوسمان، کە یەکیگە لە ئەندامە کوردەیل رێکخریاگە ئەمریکیەگە ئمڕوو لە بەیاننامەیگ وت: سوپای تورکیا، دویەشەو سێشەممە، مادەی TNT وەکارهاوردیە ئەرا تەقانن زنجیرە ئەشکەفتەیل ئەو ئاوایە، دیاریکرد، تەقینەوەیل بویەسە مدوو رمیان ئەشکەفتەیل.
وتیش، سوپای تورکیا لەساڵ 2020ەو بنکەیگ سەربازی لە ئاوای "سەگیر" دروسکردیە، کە بویەسە مدوو کووچردن دانشتگەیل ئاوایەگە، ئیرنگە دانشتگەیل لە ئاوایەیل دەوروگەرد ئاوایەگە، لە قەزای ئامێدی لە پارێزگای دهۆک نیشتنە.
عوسمان وتیش؛ یە دویەم جارە لە ماوەی ئمساڵ سوپای تورکیا ئەشکەفتەیل سنوور قەزای ئامێدی کەێدە ئامانج.
سەرچەوەیگ ئەمنی، دویەشەو سێشەممە، راگەیان فرۆکە جەنگیەل تورکیا پەلاماریگ ئاسمان وەبان ناوچەیل سەر وە پەکەکە ئەنجامدانە لە زنجیرە کویەی مەتین کە کەفێدە سنوور قەزای ئامێدی.
