ریخریاییگ ئەمریکی: تورکیا لە ماوەی شەش مانگ نزیکەی ١٠٠٠ پەلامار لەبان هەرێم کوردستان جیوەجی کردگە

وەرپرس باوەت ماف مرۆڤ لە ریخریایەگە کامەران عوسمان لە راپۆرتیگ ئمڕوو بڵاوی کرد وت: لە سەرەتای ئمساڵەو تا مانگ حوزەیران لە خود ساڵ، سوپای تورکیا 833 پەلامار و گورز لەناو خاک هەرێم کوردستان جیوەجی کردگە، لەلیان 365 لە دهۆك، و356 لە هەولێر، و102 لە سلێمانی، و10 لە نەینەوا.

وتیش: سوپای تورکیا بوی دوو رووژ گوزەشتە 27 پەلامار وەبان زنجیرە کویەیل مەنین و ئاوای "رشافا" لە قەزای ئامێدی  و کویەی ساوین لە کەژەیل زنجیرە کویەیل قەندیل، و لویتکەی "كورشال" و کویەی "كيواراش" بە قەزای رانیە، و کویەی  جاسوسان لە قەزای پشدەر، و ئاوای کانی میران کۆماریر و نزارە لە قەزای پێنجوێن جیوەجی کردگە.

عوسمان وتیش: لە ئەنجام ئەوە لەماوەی ئی ساڵە، ٨ مەدەنی کوشیا لەوەر گورز و پەلامارەیل تورکیا لەناو خاک هەرێم کوردستان.